Mitos Xaponeses
30.10.2023
Lendas, espiritos, maldición, tradicións... Quen sabe que é certo e que non, en Xapón hai unha gran diversidade destea chamados mitos xaponeses.
E este é o tema o cal lle dedicaremos a maioría das nosas actividades este curso 23-24.
A víspera do Samhain celebramos no Baranoki Club a nosa propia versión do "Hyakumonogatari Kaidankai". Esta tradición xaponesa consiste en sentar en círculo nunha habitación iluminada por 100 candeas; casa vez que alguén conta unha historia de pantasmas, apaga unha candea, de xeito que a habitación queda cada vez máis escura. No club manga empregamos lanternas en troques de candeas, pero creamos a atmosfera adecuada e tanto profesorado coma alumnado atreveuse coas súas historias de medo.